جيسيكا عازار تدافع عن الأشرفية وصحافية الأخبار ترّد

غرّدت الاعلامية جيسيكا عازار عبر حسابها الخاص على “تويتر” قائلة: “غلطان اللي مفكر انو الاشرفية وولاد الاشرفية بخافو من حدا. هيدي الاشرفية واللي ما بيعرفها بيجهلها. مش مين ما كان بيحتلها او بيقدر يكسر اهلها. هيدي منطقة بشير الجميل، هيك كانت وهيك بتبقى من اليوم تتخلص الدني”.

وأضافت: “خلصنا بقى، خلونا نعرف نعيش بهالبلد. ساعة حقنا دبابة وساعة منكلفكن رصاصة. هيك ما بيمشي الحال. في حكومة، خلوها تشتغل كرمال هالناس اللي رح بتموت من الجوع اذا كانت من الاشرفية او من الضاحية. من وين ما كنا، رح نغرق سوا”.

وعلّقت الصحافية في صحيفة “الأخبار” زكية الديراني على عازار قائلة: “ما فهمت يعني ولاد الاشرفية عندن اجر زيادة او تلات عيون زيادة عن ولاد غير منطقة”.

لترّد عازار: “لا ذكية حبيتي ما عندن غير الله الحمدالله بس منن مكسر عصا. ومش عالطالع والنازل بينسبو وبيتهاجمو بالعرض وبصير حقن رصاصة او دبابة. كل الناس بتشبه بعضها. وكرمال هيك وبكرر البلد رح يغرق فينا كلنا سوا. كمية الشتايم اللي موجهة لأهل الاشرفية عالسوشيل ميديا ما بتصور اي حدا بيقدر بيقبلها”.

التعليقات مغلقة.