شن الإعلامي عمرو أديب هجوماً حاداً على الإعلامي توفيق عكاشة عضو مجلس النواب.
مؤكدًا أنه “محدش اتدلع من الأجهزة السيادية في مصر زي توفيق عكاشة وأضاف أديب خلال برنامج القاهرة اليوم مساء الإثنين. هو ولا دكتور ولا حاجة وما يعرفش كلمتين إنجليزي. ويوم لما جت العيال بتوع خيرت الشاطر ياخدوه من مدينة الإنتاج.
راح جهاز سيادي أخذه هو وحياة الدرديري واتحطوا في مكان آمن لمدة أسبوعين”. وبالرغم من كل دا سب وزير الداخلية ورئيس الدولة ورئيس المخابرات. ولكن في كل مرة يتم التسامح معاه.
وتابع زهقنا من هبل وكلام توفيق عكاشة. أي عيل في 6 إبريل برقبته. لما أجهزة الدولة تبقى حلوة معاه يبقى حلو معاها. ولما تبقى منيلة وما بيسمعوش الكلام وما بيعملوش اللى عاوزه يبقى وحش.
وأضاف أنتم متخيلين إن أنا أقدر أعمل اللى عمله توفيق عكاشة؟ أو أتكلم ربع اللى اتكلمه عكاشة والبلد كلها بتصدقه. النهارده كل أصدقائه باعوه.
والدولة قررت توقيف برنامجه علشان تقوله كخ يا شاطر ماينفعش تهزر معايا. بحسب اليوم السابع
التعليقات مغلقة.